उद्योग उर्जा व कामगार विभाग वृत्त विशेष सरकारी कामे

वेळेत लाइट आली नाही, तर भरपाईसाठी असा करा अर्ज !

February 28, 2025 MSDhulap Team

कोणत्याही शासकीय, निमशासकीय कार्यालयांना नियमांच्या चौकटीत राहून कामकाज करावे लागते. त्यानुसार वीज वितरण कंपनीला देखील ग्राहकांना सेवा देण्यासाठी नियमांचे पालन करावे लागते, परंतु ग्राहकांना याबाबतची पुरेशी माहिती नसल्याने याबाबतचा दावा केला जात नाही. वास्तविक ग्राहकांना निर्धारित वेळेत वीज (Power Outage Compensation) सेवा मिळाली नाही तर ग्राहक वीज वितरण कंपनी कडून भरपाई मागू शकतात.

Table of Contents

वेळेत लाइट आली नाही, तर भरपाईसाठी असा करा अर्ज ! Power Outage Compensation:

ग्राहकांना निर्धारित वेळेत विजेची सेवा दिली पाहिजे असे बंधनकारक आहे. जर निर्धारित वेळेत सुविधा दिली गेली नाही तर वीज वितरण कंपनी कडून ग्राहकाला भरपाई (Power Outage Compensation) मिळू शकते. लघु आणि उच्चदाब ग्राहकांना प्रति तास प्रमाणे भरपाई मागण्याचा अधिकार आहे. वेळेत वीज आली नाही, फ्यूज दुरुस्ती, जळालेले मीटर, भूमिगत लाईन याबाबत शहरी आणि ग्रामीण भागासाठी भरपाईची तरतूद आहे.

कोणत्या कामासाठी किती वेळ?

१) फ्यूज दुरुस्ती शहर : फ्यूज दुरुस्ती संदर्भात तक्रार आल्यानंतर ही तक्रार शहरी विभागाची असेल तर पुढील तीन तासात दुरुस्ती करावी असे बंधनकारक आहे.

२) फ्यूज दुरुस्ती ग्रामीण : फ्यूज दुरूस्ती संदर्भातील तक्रार जर ग्रामीण भागातील असेल तर या भागातील तक्रार पुढील २४ तासात सोडविणे अपेक्षित आहे.

३) भूमिगत लाईन दुरुस्ती शहर : भूमिगत लाईनमध्ये बिघाड झाल्याची तक्रार सोडविण्यासाठी ८ तासांची वेळ ठरविण्यात आली आहे. शहरासाठी याप्रकारची वेळ आहे.

४) भूमिगत लाइन दुरुस्ती ग्रामीण : भूमिगत लाईन संदभर्भातील ग्रामीण भागातून तक्रार आली तर अशाप्रकारची तक्रार २४ तासात पूर्ण करून द्यावी लागणार आहे.

५) जळालेले मीटर बदलण्यासाठी शहर : वीज मीटर जळाल्याची तक्रार शहरातील असेल तर १८ तासांमध्ये निकाली काढणे बंधनकारक आहे.

६) जळालेले वीज मीटर बदलण्यासाठी ग्रामीण : ग्रामीण भागातील वीज मीटरच्या तक्रारी निकाली काढण्याची ४८ तासांत डेडलाईन देण्यात आली आहे.

वीज वितरण कंपनी कडून ग्राहकांना भरपाई:

विलंबाने सेवा (Power Outage Compensation) दिली तर राज्य विद्युत वीज नियामक आयोगाने वीज वितरण कंपनी कडून भरपाई देण्याची तरतूद केली आहे. लघुदाब ग्राहकांना प्रति तास ५० रूपये किवा जास्तीत जास्त ५०० रूपये आणि उच्चदाब ग्राहकांना प्रति तास १०० रूपये आणि जास्तीत जास्त १ हजार रूपयांची भरपाईची तरतूद केली आहे.

लाईट गेल्याबद्दल भरपाईसाठी अर्ज नमुना – Power Outage Compensation Application:

वेळेत लाइट आली नाही, तर वीज वितरण कंपनी कडून (Power Outage Compensation) भरपाईसाठी अर्ज नमुना खालील प्रमाणे आहे, त्यानुसार तुम्ही वीज पुरवठा खंडित झाल्याबद्दल भरपाईसाठी अर्ज करू शकता.

प्रति,
कार्यकारी अभियंता,
[तुमच्या वीज वितरण कंपनीचे नाव]
[शाखेचे नाव/पत्ता]

विषय: वीज पुरवठा खंडित झाल्याबद्दल भरपाईसाठी अर्ज

महाशय,

मी, [तुमचे संपूर्ण नाव], रा. [तुमचा पत्ता], आपल्या वीज वितरण कंपनीचा अधिकृत ग्राहक आहे. माझा ग्राहक क्रमांक [ग्राहक क्रमांक] आहे.

[तारीख] रोजी, आमच्या परिसरात वीजपुरवठा [1 तास किंवा अधिक] वेळेसाठी खंडित झाला होता, ज्यामुळे मला आर्थिक व मानसिक त्रास सहन करावा लागला. [जर तुम्हाला कोणते नुकसान झाले असेल, तर त्याचा उल्लेख करा, जसे की व्यवसायिक नुकसान, उपकरणांचे नुकसान इत्यादी.]

महाराष्ट्र वीज नियामक आयोगाच्या नियमांनुसार, निर्दिष्ट वेळेपेक्षा अधिक वेळ वीजपुरवठा खंडित झाल्यास ग्राहकांना भरपाई देण्याची तरतूद आहे. त्यामुळे, कृपया माझ्या वरील प्रकरणाचा विचार करून नियमानुसार भरपाई प्रदान करावी.

त्यासाठी आवश्यक ती माहिती व कागदपत्रे सोबत जोडली आहेत. योग्य ती कारवाई तातडीने करण्यात यावी, ही विनंती.

धन्यवाद!

आपला विश्वासू,
[तुमचे नाव]
[मोबाईल नंबर]
[ईमेल (असल्यास)]

राष्ट्रीय टोल-फ्री : १९१२ / १९१२०
महावितरण टोल-फ्री : १८००-१०२-३४३५ / १८००-२३३-३४३५
ई-मेल: customercare@mahadiscom.in

या लेखात, आम्ही वेळेत लाइट आली नाही, तर भरपाईसाठी (Power Outage Compensation) अर्ज कसा करायचा? विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.

पुढील लेख देखील वाचा!