PM Kisan Yojana 17th Installment Update : शेतकऱ्यांच्या खात्यात १८ जून २०२४ रोजी पीएम किसान योजनेचा १७वा हप्ता जमा होणार !
प्रधानमंत्री किसान सन्मान निधी योजने (PM Kisan Yojana) अंतर्गत शेतकऱ्यांना १७ वा हप्ता (2000 रू) लवकरच शेतकऱ्यांच्या खात्यावर वर्ग करण्याची कार्यवाही सुरू होणार आहे. पंतप्रधान नरेंद्र मोदी १८ जून रोजी पीएम किसान सन्मान निधीचा १७ वा हप्ता जारी करतील. पंतप्रधान मोदी त्यांच्या संसदीय मतदारसंघ वाराणसीमधून देशातील ९.३ कोटी शेतकऱ्यांना प्रत्येकी २,००० रुपयांचे हप्ते हस्तांतरित करणार आहेत. यामध्ये 20 हजार कोटी रुपये शेतकऱ्यांच्या खात्यावर वर्ग करण्यात येणार आहेत.
पीएम किसान योजना – PM Kisan Yojana 17th Installment Update:
प्रधानमंत्री किसान योजनेचे वर्षाला सहा हजार रुपये ज्या ज्या शेतकऱ्यांना येतात त्या सर्व शेतकऱ्यांनी आपली आधार eKYC केली आहे का? याची खात्री करावी लागणार आहे. पीएम किसान योजनेअंतर्गत हप्ते मिळवण्यासाठी लाभार्थ्यांना ई-केवायसी करणं अनिवार्य आहे, असे सूचित केले आहे.
प्रधानमंत्री किसान सन्मान निधी योजनेच्या नोंदणीकृत लाभार्थी शेतकऱ्यांसाठी PMKisan eKYC करणे अनिवार्य आहे, अशी नोटिफिकेशन प्रधानमंत्री किसान सन्मान निधी योजनेच्या अधिकृत पोर्टलवर जारी केली आहे. प्रधानमंत्री किसान सन्मान निधी योजनेची आधार आणि बायोमेट्रिक eKYC करण्यासाठी इथे क्लिक करा.
पंतप्रधान नरेंद्र मोदी प्रधानमंत्री किसान सन्मान निधी (PM Kisan Yojana) या योजनेअंतर्गत दिनांक १८ जून २०२४ रोजी व्हिडिओ कॉन्फरन्सिंगद्वारे या योजनेतील पुढील १७व्या हप्त्याचे वितरण करणार आहेत. या कार्यक्रमादरम्यान पंतप्रधान लाभार्थी शेतकऱ्यांशी संवाद साधणार असून राष्ट्राला संबोधितही करणार आहेत.
प्रधानमंत्री किसान सन्मान निधी योजनेबद्दल – PM Kisan Yojana:
पीएम-किसान योजनेअंतर्गत पात्र लाभार्थी शेतकरी कुटुंबांना दरवर्षी 2000/- रुपये तीन समान मासिक हप्त्यांमध्ये म्हणजे एकूण 6000/-रूपये इतका निधी दिला जातो. हा निधी लाभार्थ्यांच्या बँक खात्यात थेट हस्तांतरित केला जातो.
पंतप्रधान किसान सन्मान निधी योजनेच्या लाभार्थ्यांच्या यादीमध्ये आपले नाव पहायचे असेल तर आपल्यासाठी सरकारने आता ही सुविधा ऑनलाईन देखील प्रदान केली आहे.
पंतप्रधान किसान सन्मान निधी योजना २०२४ ची नवीन यादी अधिकृत संकेतस्थळ PMKisan वर तपासली जाऊ शकते. पंतप्रधान किसान सन्मान निधी योजना २०२४ च्या नवीन यादीमध्ये आपले नाव ऑनलाईन तापसण्यासाठी इथे क्लिक करा.
तुमच्या खात्यात 2 हजार जमा झाले नसतील तर ‘अशी’ करा तक्रार:
सर्वात आधी आपल्या क्षेत्रातील लेखापाल आणि कृषी अधिकारी यांच्याशी संपर्क साधावा लागेल आणि त्यांना त्याबद्दल माहिती द्यावी लागेल. जर हे लोक आपलं म्हणणं ऐकत नसतील, तर आपण त्यासंबंधित हेल्पलाइनवर देखील कॉल करू शकता.
तुम्ही सोमवार ते शुक्रवारच्या मध्ये पीएम किसान हेल्प डेस्कच्या PM KISAN Help Desk ई मेल (Email) pmkisan ict@gov.in वर संपर्क करू शकता.
इथेही काहीच प्रतिसाद न मिळाल्यास आपण 011 23381092 (Direct HelpLine) या हेल्पलाइन नंबरवरही संपर्क करू शकता. तुमच्या खात्यात 2 हजार जमा झाले नसतील तर ऑनलाईन तक्रार करण्यासाठी (Grievance PM Kisan) इथे क्लिक करा.
वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.
आमच्या सोशल मीडिया व्हॉट्सअॅप, फेसबुक आणि टेलिग्राम ग्रुप मध्ये सामील होण्यासाठी इथे क्लिक करा !!