शिधापत्रिका रास्तभाव दुकानासाठी ऑनलाईन अर्ज कसा करायचा? जाणून घ्या सविस्तर माहिती!

आपण या लेखाद्वारे घरबसल्या शिधापत्रिका रास्तभाव दुकानासाठी ऑनलाईन अर्ज कसा करायचा याची माहिती पाहणार आहोत.

शिधापत्रिका रास्तभाव दुकानासाठी ऑनलाईन अर्ज करण्याची प्रोसेस – Apply Online for Ration Shop:

शिधापत्रिका रास्तभाव दुकानासाठी ऑनलाईन अर्ज करण्यासाठी सर्व प्रथम खालील “अन्न, नागरी पुरवठा व ग्राहक संरक्षण” विभागाची अधिकृत वेबसाईट ओपन करा.

http://mahafood.gov.in/website/marathi/home.aspx

अन्न, नागरी पुरवठा व ग्राहक संरक्षण विभागाची वेबसाईट ओपन झाल्यावर “ऑनलाईन सेवा” या बॉक्स मध्ये “ऑनलाईन शिधापत्रिका व्यवस्थापन प्रणाली” या लिंक वर क्लिक करा.

“ऑनलाईन शिधापत्रिका व्यवस्थापन प्रणाली” या लिंक वर क्लिक केल्यावर एक RCMS ची वेबसाईट ओपन होईल त्यामध्ये “Sign In/Register” या मेनू मध्ये “Public Login” या पर्यायावर क्लिक करा.

रेशन कार्ड आणि एफपीएस / केरोसीन परवाना सेवांसाठी ऑनलाइन अर्ज करण्यासाठी या पोर्टलसह आपले प्रोफाइल तयार करा. नवीन प्रोफाइल तयार करण्यासाठी “नवीन यूजर” या पर्यायावरती क्लिक करा.

नवीन यूजर” या पर्यायावरती क्लिक केल्यानंतर “Register New HOFN User” हे पेज ओपन होईल तेथे “No Ration card” या पर्यायावर क्लिक करा.

नवीन एचओएफएन वापरकर्त्याची नोंदणी करताना अर्जदाराचे स्थानिक भाषेत नाव, पूर्ण नाव (आधार कार्ड नुसार), आधार क्रमांक, मोबाईल क्रमांक, ईमेल आयडी, जन्म तारीख, लिंग, आणि कॅप्चा कोड आणि रजिस्टर मोबाईलवर जो ओटीपी येईल तो टाकून “Verify Aadhar” वर क्लिक करा.

आधार व्हेरिफाय केल्यानंतर आता नवीन पेज ओपन होईल त्यामध्ये उजव्या बाजूला आवश्यक माहिती भरा. यामध्ये आपल्याला Login Id साठी युजरनेम टाका आणि “Check User” क्लिक करा, तिथे जर हिरवी टिक आली तर ते युजरनेम उपलब्ध आहे. नाहीतर दुसरे युजरनेम टाका.

पुढे पासवर्ड टाकून राज्य, जिल्हा, तहसील, गाव आणि Proposed FPS Name मध्ये गावातील एफपीएस नाव, तुमचा पत्ता, पिनकोड, आणि Service Required मध्ये दुसरा पर्याय निवडून “शिधापत्रिका रास्तभाव दुकानासाठी अर्ज करू शकता, FPS License नंबर असेल तर टाका आणि सबमिट करा.

अर्ज सबमिट केल्यानंतर एखादा आपल्या तहसील कार्यलयात अन्न, नागरी पुरवठा व ग्राहक संरक्षण विभागा मध्ये ओळखीचा पुरावा, पत्त्याचा पुरावा, वयाचा पुरावा, उत्पनाचा पुरावा इत्यादी आवश्यक कागदपत्रे आणि कुटुंबप्रमुखाचा फोटो घेऊन व्हेरिफिकेशन करून घ्या.

अर्जाची सद्य स्थिती जाणून घ्या:

आता आपल्याला आपण सबमिट केलेल्या अर्जाची स्थिती जाणून घेण्यासाठी पुन्हा होम पेज वर येऊन “Public Login” मध्ये “Register User” वर क्लिक करा.

Register User वर क्लिक केल्यानंतर कुटुंब प्रमुख (एनएफएसएनुसार) साइन इन करा, यामध्ये आपण रजिस्टर करताना जे युजरनेम आणि पासवर्ड सेट केला होता तो टाका आणि “Sign In” वर क्लिक करा, तसेच एक ओटीपी येईल तो टाकून “Verify OTP” वर क्लिक करा.

युजर Sign In झाल्यावर आपण आता पाहू शकता आपल्या अर्जाची सद्य स्थिती.

सूचना:- [फक्त एचओएफएन (‘कुटुंबप्रमुख – सर्वात जुनी महिला सदस्य) नव्या / विद्यमान आरसीसाठी प्रणालीमध्ये नोंदणीकृत असेल. जर कुटूंबाकडे कोणतीही महिला सदस्य नसेल (वय 18 वर्षांपेक्षा जास्त असेल तर) एचओएफ (कुटुंब प्रमुख – पुरुष सदस्य) नवीन / विद्यमान आरसीसाठी प्रणालीमध्ये नोंदणी करता येईल].

हेही वाचा – रेशनकार्डवर आपल्याला किती धान्य मिळते हे ऑनलाईन कसे तपासायचे?

वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.

आमच्या सोशल मीडिया व्हॉट्सअ‍ॅप, फेसबुक आणि टेलिग्राम ग्रुप मध्ये सामील होण्यासाठी इथे क्लिक करा !!